Waaxyada Wasaaradda

Home » Waaxyada Wasaaradda

Waaxda shaqada iyo Shaqaalaha waxay kashaqeysaa:-

Ka shaqaynta qaabka qorista shaqaalaha loo baahan yahay ee Wasaaradda Amniga gudaha, kaydinta xogta shaqaalaha, hagaajinta habka ceyminta, hubinta & cusboonaysiinta siyaasada shaqaalaha joogtada ah.
Xaqiijinta bixinta xuquuqda iyo wajibaadka shaqaalaha isagoo la kaashanayo xafiisyada ku shaqo leh.
Diyaarinta tirikoobka saxa ah ee shaqaalaha.
La socodka hawlaha kala duwan ee shaqaalaha sida qiimeynta, fasaxyada, cabashooyinka iwm.
Waafajinta shaqada iyo shaqaalaha Wasaaradda Amniga gudaha xeerka shaqada iyo shaqaalaha

Waxaada maamulka iyo maaliyadda waxay ka shaqeysaa:-

Diyaarinta, qabashada, bixinta, ilaalinta, hubinta, ka warbixinta dhaqdhaqaaqa maaliyadeed ee Wasaaradda.
Dejinta iyo habsami-u-wadida maamulka wasaaradda.
Dejinta iyo ilaalinta masuuliyadaha iyo xaquuqda shaqaalaha.
Diyaarinta qaab-shaqeedyada (working procedures) iyo agabka loo baahan yahay fulinta shaqada.
Xaqiijinta bixinta lacagaha adeegga loogu qabto Wasaaradda Amniga Qaran si waafaqsan sharciga maaliyadda sida (qandaraasyada, qalabaynta, & fulinta mashaariicda).

Waaxda Amniga iyo Nabadgalyada waxay ka shaqeysaa:-

Dejinta Qorshaha maaraynta hubka fudud, iyo horumarinta sharcigii hubka.
Tirakoobka noocyada hubka fudud ee waddanka lagu isticmaalo.
Diiwaan gelinta hubka iyo Sumadaynta (Calaamadaynta hubka) Hubka.
La socodka hubka wakhtiga sharci haysashadiisa ay dhacaday iyo kuwa aan dhicin.
Kormeerka isticmaalka hubkii la sharciyeeyay.
Bixinta Rukhsada haysashada hubka fudud, markii uu muwaadinku soo maro habraacyada iyo shuruudaha u dagan.

Waaxda Arimaha Bulshada iyo Wacyigalinta Dadweynnaha waxay ka shaqeysaa:-

Wanaajinta Xiriirka Dadweynaha iyo Wasaaradda, Waxay faafisaa macluumaadka ay wasaaraddu doonayso in ay Bulshada ay la wadaagto.
Waxay dhistaa xiriir wanaagsan oo bulshada lala yeesho.
Waxay Maamushaa mareegtooyinka Wasaaradda sida website-ka, Facebook-ga iyo Twitter-ka,
Waxay ka shaqeysaa ilaalinta xuquuqul insaanka, ka hortagga askaraynta carruurta,
Waxay dajisaa qorsheyaal wacyigelineed kaasoo bulshada loogu sheegayo sidii ay amniga ooga qeyb qaadan lahaayeen sida Barnaamijka Bolis kal-kaal-ka (Community Policing),
Waxay diyaarisaa warbixinda Amniga ee billaha iyo sanadlaha ah.
Waxay kaydisaa warbixinada amniga, waxayna ilaalisaa system-ka warbixintanada Amniga wasaaradda.

Wanda Qorshaynta iyo Tababarada waxay ka shaqeysaa:-

Dejinta Qorshaha Wasaaradda.
Is waafajinta qorshaha wasaaradda iyo qorshaha dowlada.
Hubinta habsami u socodka mashaaricda Wasaaradda.
Tayaynta iyo tababarista shaqaalaha wasaaradda.
Isku xirka Wasaaradda iyo hay’adaha ama dowladaha dibadda ee ku shaqada leh amniga.
Soo saarida warbixino ku salaysan cilmi baaris.
Qiimeynta fulinta hawlaha iyo mashaariicda wasaaradda
U kuur galida habsami u socodka hawlaha wasaaradda

Waaxda hubka dhigista, dhaqan celinta Iyo Difaaca Madaniga waxay ka shaqeysaa:-

Dejinta qorsheyaal looga hortagaayo faafidda hubka iyo walxaha loo isticmaalo hub ahaanta guud ahaan dalka oo dhan.
Dejinta qorsheyaal tayaysan oo lagu maamulo xeryaha dhaqan celinta maleeshiyaadka ee ay dowladdu sida tooska ah gacanta ugu hayso.
Ku wacyigelinta bulshada ahmiyadda dhaqan-celinta maleeshiyaadka iyo dib u celintooda.
Dejinta qorsheyaal cad cad kaasoo malleeshiyaadka loogu abuurayo fursado shaqo iyo tababaro xirfadeed.

Waaxda Ladagaalanka Argagixisada waxay ka shaqeysaa:-

Uruurinta xogaha isku dubaridkooda iyo Xifdinta ilaha xogaha ay ka imaanayaan.
Gorfaynta, kala saarista xogaha iyo Xulashada xogaha maan galka ah.
Taxliilinta xogaha, Tashi galinta xogaha halista ah.
Gaarsiinta madaxda ay khuseeyso sida ugu dhaqsiyaha badan iyada oo la ilaalinaayo waqtiga iyo lagana hortagaayo xajmiga qatarta.
Kaydinta xoggaha iyo samaynta Data base lagu kaydiyo warbixinta.

Wanda sharciyda iyo dajinta siyaasadaha waxay ka shaqeysaa:-

Diyaarinta iyo xulida Magacayada Sharciyada.
Qorista sharciyada sida waafaqsan baahida loo sameynayo iyo dastuurka dalka u yaal.
Tarjumida sharciyada.
Helista sharci yaqaano ka caawiso hadba sharciga la diyaarinaayo.
Dejinta siyaasadaha wasaaradda si waafaqsan baahiyaha wasaaradda
Tashi gelinta dejinta siyaasadaha.
Iswaafajinta siyaasadaha iyo qorsho hawleedyada kale ee wasaaradda u degsan.
Diyaarinta siyaasadaha hey’addaha wasaaradda hoos yimaada.

Wanda xiriirka Dowlad Goboleedyada waxay ka shaqeysaa:-

Xoojinta xiriirka wasaaradda iyo dowlad goboleedyada.
Xoojinta xiriirka hay’addaha wasaaradda hoosyimaado.
Ka shaqeynta hawlaha lagu hormarinayo amniga Dowlad Goboleedyada.
Qalabeynta hay’addaha amniga ee dowlad goboleedyada.
Soo gudbinta baahida amni ee Dowlad Goboleedyada.
Ka hortaga ka-tahriibida dowlad goboleedyada dalka iyadoo uu kaashanaayo jihooyinka ay hawshaan wadaagaan.
Qabanqaabada shirarka loo qabanaayo dowlad goboleedyada iyo diyaarinta casumadahooda.
Soo gudbinta arrimaha degdega ah ee amni ahaan kasoo cusboonaado Dowlad Goboleedyada.
Helida tirada saxa ah ee hay’addaha amni ee Dowlad Goboleedyada.
Isku xirka hawlaha amni ee u dhaxeeya dowlad goboleedyada.
Ka hortaga waxyaabaha xumeyn kara xiriirka guud iyo midka gaarka ee u dhaxeeyo wasaaradda amniga federaalka iyo wasaaraddaha amniga Dowlad Goboleedyada.