Agaasimaha Guud ee Wasaaradda Amniga Gudaha XFS ayaa maanta guddoomiyay kulanka toddobaadlaha ah ee Agaasimeyaasha Waaxyaha Wasaaradda, kaas oo lagu falanqeeyay horumarka shaqooyinka socda, xaaladda amniga guud, dib-u-casriyeynta Wasaaradda, iyo qorshayaasha mudnaanta leh ee la fulinayo muddada soo socota.
Kulanka ayaa sidoo kale lagu dhageystay warbixino ku saabsan howlaha waaxyaha kala duwan iyo tallaabooyinka lagu xoojinayo amniga xarunta Wasaaradda.
Agaasimaha Guud ayaa ku boorriyay Agaasimeyaasha inay sii xoojiyaan wada-shaqeynta, isla-xisaabtanka iyo dardargelinta howlaha hortabinta u leh Wasaaradda si loo xaqiijiyo amni waara iyo adeeg hufan.
